Početna Svijet Turska otvorila najduži most između Evrope i Azije

Turska otvorila najduži most između Evrope i Azije

Predsednik Turske Redžep Tajip Erdoan svečano je danas otvorio most “Čanakkale 1915” nad morezom Dardaneli, koji u dužini od 4,6 kilometara spaja Evropu i Aziju.

To je jedan od najdužih takvih mostova u svijetu i najduži most između Evrope i Azije, a otvoren je na 107. godišnjicu pomorske bitke u Čanakaleu, prenosi Anadolija.

Erdoan je poručio da će Turska ostvariti veliku ekonomsku korist od mosta koji je poznat i kao “ogrlica tesnaca Čanakale”.

“Turska je iza sebe ostavila Japan i postala zemlja koja ima most s najdužim srednjim rasponom u svijetu. Znate li kolika će biti ušteda naše zemlje godišnje u pogledu vremena, potrošnje goriva i smanjenja emisije ugljenika ovom investicijom, 415 miliona evra”, rekao je Erdoan.

Prema njegovim riječima, ovaj projekat će donijeti turskoj ekonomiji 5,3 milijarde evra, 118.000 novih radnih mjesta i 2,4 milijarde evra nacionalnom dohotku.

Most će skratiti vrijeme putovanja između Azije i Evrope na samo šest minuta, piše list Dejli sabah.

Izgradnja je počela u martu 2018. i projekat je koštao 3,1 milijardu evra, što je 100 miliona evra više od plana, a posljedica je pandemije i rasta cijena materijala.