Početna Svijet Evropa se bori sa poplavama: Raste broj poginulih, spasioce čekaju na krovovima

Evropa se bori sa poplavama: Raste broj poginulih, spasioce čekaju na krovovima

Piše:
Urednik
-

U njemačkim saveznim pokrajinama Porajnje Falačka i Sjeverna Rajna-Vestfalija situacija, nakon obilnih kiša koje su prošle noći uzrokovale izlijevanje mnogih rijeka, još uvijek nije pod nadzorom.

Poginulo je najmanje 58 osoba, a za desetinama se još traga, javlja Bild.

“Ima mrtvih ljudi, ima nestalih, mnogi su u opasnosti. Nismo nikad dosad vidjeli ovakvu katastrofu”, rekla je premijerka savezne pokrajine Porajnje-Falačka Malu Drejer.

Još se ne zna koliko ljudi čeka spasioce na krovovima kuća.

Brojni ljudi morali su napustiti svoje kuće, a u Leverkuzenu je evakuisana bolnica u kojoj je bilo 468 pacijenata nakon što je nestalo struje za više od 200.000 korisnika na tom području.

Voda je u opštini Suld odnijela više od šest kuća, piše Bild.

Odsječeni od svijeta

U mnogim su mjestima stanovnici odsječeni od ostatka svijeta.

U susjednoj pokrajini Sjeverna Rajna-Vestfalija tokom intervencije i pokušaja spašavanja građana od vodenih masa poginula su dva policajca.

Premijer te savezne pokrajine i kandidat Demohrišćanske unije CDU/CSU za kancelara Armin Lašet uputio se prema gradu Hagen, koji je među najteže pogođenim mjestima u toj saveznoj pokrajini.

U gradu Hagenu, kroz koji protiču četiri rijeke, mnogi su dijelovi grada odsječeni od ostatka svijeta. U ovom gradu na rubu Rurske oblasti su u pomoć oklopnim vozilima pristigli i pripadnici Bundesvera. Ministar obrane Anegret Kramp-Karenbauer govori o preko 3.000 pripadnika.

Obližni istorijski gradić Altena je i dalje odsječen od svijeta.

Željeznički promet na čitavom zapadu zemlje je kolabirao, a vlasti apeluju na građane da ne putuju bez izričite potrebe.

Željeznički saobraćaj je prekinut i prema susjednoj Belgiji i Nizozemskoj, gdje su pojedina područja takođe pogođena poplavama.

Katastrofalne poplavama pogodile su i Belgiju u kojoj je u protekla dva dana šest osoba izgubilo život, a u Liježu gradske vlasti pozivaju stanovnike da napuste centar grada. Kiša koja gotovo neprestano pada posljednja dva dana dovela je do izlijevanja rijeka, posebno rijeke Meze.